الجوال ( مستودع الأسرار )!!

السلام عليكم ورحمة الله وبركاته

ترضى أحد يفتش جوالك؟؟؟ أو لا

الجوال ( مستودع الأسرار )!!

أصبح الجوال جزء لايتجزء من حياتنا اليوميه مانطلع إلا بالجوال ومانقعد ولا ننام إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الجوال مثل السكرتير

اللي يذكرنا بالمواعيد والساعات

والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:

والمنبه( أهم شي المنبه )

اللي يرن الصباح وقت الدوام .. نحط على غفوه وهالغفوه 10 دقايق

ومانقوم إلا إذا حد قال لنا :.. قومووووا دووووام متى بتروحوون ...!!!

الملاحظ إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله

ودايماََ مايقولون

( لحد يلعب في جوالي ) !!

هالجمله البسيطه تحوي معاني كثيره (ممكن تفسرونها )

ليش مانرضى أحد يفتش أو :يلعب: في الجوال

هل هو الحرص عليه !!

ولا من زوود المحبه !!

ولا فيه شي خطير ماودك حد يشوفه أبد !!

هل لهالدرجه جوالك خطير ماتخلي حد يقرا مسجاتك

ويشوف قائمة الأسماء اللي بجوالك << أهمـ حـاجـة

الأسئله كثيره والتساؤلات أكثر حول هالموضوع

ما راح أطول عليكم بس أخليكم تفكرون وتجاوبون ..

اتمنى أشوف آرائكم وهل انتم تعتبرون الجوال من الخصوصيات أم لا!!؟
اما اني عن نفسي حريصة على جوالي..

وفي نفس الوقت ماأرفض انو حد يفتشه.. مادام كبير وعارفة انو ماراح يخرب شي..

فعلا مستودع الأسرار .. خاصة الرسائل لما تكون سوالف مع الصديقات .. >> دااااايم في جوالي هالسوالف ^_^

وبالنسبة للأسماء عانيت معاها في البداية .. كوني مخزنه أغلب ارقام صديقات ومعارفي بألقاب لكل شخصية مثل كل الشوق .. عديل الروح .. وهكذا فدائما يواجهني هذا السؤال >> من رقمه او مين هذا ؟؟

وباقي الأمور مثل المنبه والتقويم للأمتحانات والحاسبة احيانا هذا غير الملاحظات >> حركات البنات كلها روايات لوقت الفراغ

وخلطات ومقادير طبخات ساعات اكتبها ع السريع وبعدين اخذها في دفتري او مذكرتي ..
صحيح امنع الاطفال من العبث به ولكن الكبار لا لا امانع من ذلك

اني من ناحيتي عادي عندي اساسا جوالي من يد الى يد

بس اهم شي مايخربوه لي

عدد المساهمات : 11 تاريخ التسجيل : 05/05/2010

السلام عليكم جميعاً
وأهلاً بك ياهمس الغلا،

أنا أعتقادي الشخصي والمتواضع انه يجب النظر إلى هذا الموضوع من عدة جوانب ومن أكثر من زاوية :
فمثلاً لو قسمنا الموضوع إلى جزئين فكرة النظر ومراقبة خصوصيات الغير من ناحية و فكرة النظر ومراقبة جوال ( مستودع أسرار ) الأخرين من ناحية اخرى.
ففي الناحية الأولة لا يصح التجسس و التطفل على الغير (وهنا ايضاً يمكن التقسيم اذا كان الشخص المراقب الوالدين فيمكن اعتبار هذه المراقبمة من باب الحرص واذا كان غيرهم فلا). لا أريد ان أطيل في هذا الجانب ففي أعتقادي ان أغلبية الناس متفقة في هذا الجانب.
نعود إلى الجوال ( مستودع الأسرار )! وهنا أنا ختلف معكي قليلاً لأن الأسرار مستودعها القلب ولا مكان اخر....
قد يقول البعض ان الجوال شئ شخصي وانا اتفق معهم في هذا ولاكن حتى السياره شي شخصي وقد يقول البعض شفت سيارة أحمد عند بيت فلان أو في المكان الفلاني (يعني أركب سيارة خفية) والأمثلة كثيره في الأشياء الشخصية ولسنا بصدد عدها هذا تطفل على أمور الأخرين وليس أسرار يا أخواني وأخواتي حتى الأشياء اللي نتحرج منها قد لا تكون أسرار .
يعني الأصدقاء أصدقاء شخصيين هل من المفروض إني أمشي معاهم في الخفاء.
أعذروني على الأطالة.
وشكراً على الموضوع الجميل والشيق...

ملاك الروح مرور جميل
احمد عطرت صفحتي بعبير كلماتك الرائعه

بالنسبه لي اخر شي يهمني الجوال

واكيد الكل هنا عارفني ان جوالي كل مره حد يجيبه لي من مكان

وما اخاف لما حد يفكر يطلع على جوال لان مافيه شي اخبيه فيه

بس احيانا يكون مالي مزاج وجي شياطين براسي ما ابي حد يلمس جوالي هااع

بس بعد كلام احمد اقنعني ان الجوال مو هو مستودع الاسرار وانه مجرد شي شخصي وبس

يسلموو همس الغلاا ولا عدمنا جديدك