بلكي اتوب

السلام عليكم ورحمة الله وبركاته

اتحملت برد الشته ولسعات حر الصيف كلهه وماتبت

وضمدت بجروحي سكته لا شكيت ولا كلت

وشفت منك ضيم ماشافه بشر وتحملت

ونته ذاك انته على طبعك قاسي كلبك مالنت

وجنت تحجيلي سوالف ثاري كل حجيك جذب من سولفت

مره كتلي انه الك ام وابو وفزاع الك لو حشمت

ومره كتلي احسبني صاحب الك لو جار الوكت

ومره كتلي انه احبك ومره كتلي الروح عدك لورحت

ومره كتلي وهيه جم مره الكلت وتالي ماتالي خنت

روح ماتسوه المعاتب اردابيعك مثل ما انته بعت

روح دور على غيري بس ماتلكه مثلي تتعب اشما دورت

انه مو خسران صدك لاكن انته الي خسرت

واعترفلك جنت بس انته بدليلي وهسه منعده انزحت

منك الونات اجتني وكبلك ولاون شفت

روح ماريدك تجيني واتكلي توني اتندمت

احسبني من يوم العرفتك بي متت

هاي هيه كلمن ايروح بطريقه وجني الك ماوالفت

وجني الك ما والفت وجني الك ما والفت

تمنياتي للجميع بالموفقيه

منقول ..