الحقوق الفكرية

عدد المساهمات : 11 تاريخ التسجيل : 05/05/2010

السلام عليكم جميعاً
كيف حال أعضاء منتدانا؟ إنشاء الله كلكم بخير.
اليوم ودي أتفلسف في موضوع ما ادري أنا أفهم فيه لو لا بس أترك الحكم لكم (الله يستر شكلها إعدام)
ودي أتكلم في سالفة الحقوق الفكرية يعني سالفة النسخ واللصق (كوبي أند بيست)
والصراحة موضوع الحقوق الفكرية واسع مو بس كوبي أند بيست يعني يشمل جميع الإبداعات الفكرية اللي تجي من الدماغ والأحاسيس مثل المقطوعات الموسيقية والقصائد والروايات (الأدبيات)و و و إلخ.
و هذي السوالف قد تكلف بعض المؤسسات ملايين الدولارات. مو زي ما أحنا نفكر إنها سوالف عادية تعودنها في حياتنا اليومية إيميلات ومنتديات و و و... إلخ
بصراحة أنا أشوف إن هالسالفة ليست أخلاقية بالدرجة الأولى وبعدين ليست شرعية ولا قانونية. والجميع أكيد ما يرضاها. لأن ما احد يرضى تُأخذ أشيائه الشخصية وتستخدم بدون إذنه فما بالكم إذا أخذت ونسبت لغيره يعني واحد يأخذ أغراضك ويقول هذي أغراضي (نفس الشيء ). خصوصاً إذا كان الشيء ثمين وليه قيمه عالية. وإذا أمعنه النظر سنجد الكثير من الإبداعات الفكرية الثمينة والتي تقدر بالملايين مثل سيمفونية ضوء القمر لبيتهوفن.
أعرف أن الموضوع يمكن يسوي لخبطه عند البعض لأنه قد يصعب المقارنة بين الأشياء الملموسة و اللاملموسة لكن إذا فكرنا فيها شوي بيتبسط الموضوع.
ببساطة وصراحة و(الكلام ليس على منتدانا) أنا لسه جديد في عالم المنتديات وهذا أول منتدى أسجل فيه على الرغم من كثرت استخدامي للإنترنت. (لكني قد أتصفح بعض المنتديات في الفترات التي كنت أبحث فيها عن المعلومات) وبعد ما سجلت في منتدانا وشفت إبداعات الأعضاء قلت خليني أتصفح وأشوف كيف هذي الإبداعات تكون محمية وكيف موضوع الحقوق الفكرية ماشي في عالم المنتديات وهنا كانت الفاجعة. فقد وجدت موضوعات تتكرر وبالحرف الواحد في الكثير من المنتديات والكل ينسخ ويلصق لكن البعض عنده شرف يكتب كلمة منقول بعد الموضوع ( وهنا الشخص يشيل عن نفسه إثم نسب الشيء إلى نفسه لكنه لا يعلم إذا كان صاحب الإبداع يرضى بذالك) لا وأزيدكم من الشعر بيت الناس تقعد تمدحه وتشكره على إبداعاته ( أي إبداع زي إبداعات الغش أيام المدرسة)
الحقيقة أستغرب كيف الواحد يلبس شخصية ليست شخصيته ويقعد ينصب ويجي يقول شوفوني أنا فهيم وحركات وهو من جنبها.
أنا لست ضد نقل المعرفة والعلم ولاكن هناك طرق أخلاقية لنقلها بنتناقش فيها والصراحة أنا ودي أكمل النقاش في هذا الموضوع لكن بعد ما أشوف أرائكم في الموضع ولا أحد يفهمني غلط فأنا أعلم أن جميع أعضاء منتدانا على مستوى راقي من الوعي وجميعهم أصحاب فكر مميز.
آسف على الإطالة. ونكمل نقاشنا بعدما أتمتع بإبداعاتكم الفكرية.

عدد المساهمات : 14 تاريخ التسجيل : 02/05/2010

اولا سلمت يداك اخ أحمد
هو صحيح هدا الى حاصل اغلاب الاعضاء فى المنتديات نسخ ولصق الاهم الاكبر تسجيل مشاركات اكثر فى المنتدى قليل ماتشوف احد حاط موضوع من تفكيري او هو الى كاتبنا بس هدى حياتهم من منتدى الى منتدى ونسخ ولصق كده مايحصلو على فائده صارت الناس ماتحب تشغل مخها وتبرز ابداعاتها معنا الكل عند شي مميز ممكن يبرز بس الكل حاب الراحه وعدم ابراز مواهبهم
وعنا الاطالها عليكم بس حبيت انبهكم بعد ماشوف احد يرد يعنى ليش ماشوف احد يدخل اناقش معانا وشكر

تسلم حبيب قلبي
مواضيعك كلها ابداع
تحث الواحد على التفكير والنقاش معك شيق بس خلينا واقعين هذا الي قاعد يصير
ما تقدر نغير فية شي بس ممكن انحد من ها الشي في منتدانا
اتمنى من جميع الاعضاء انهم ياخذ به ونشوف ابداعاتهم

تسلم احمد على الموضوع

موضوع حلو للنقاش لان تقربا 99% من الي يدخلوا منتديات

تكون مشاركاتهم منقوله ومثل ماقلت كلها نسخ ولصق

قليل جدا من يفكر يشوف الهدف من الموضوع ويكتبه بطريقته

وكثير مثل ما قلت ما يكلف خاطره حتى ان يكتب كلمة منقول

انا اقلك مو الكل طبعا مالي حق اتناقش لان انا انسخوالصق بعد lol!

بس جد في ناس كذا ناس يتعمدو ما يكتبو وناس ينسخ ويلصق عاره فيه يكتب الكلمه ويخليها بدون

وناس تنساها انا احيانا انسى بس لما اشوف الردود كيف تصير اروح واصلحها

وما باطول هذره لان انا اصلا مالي بالنقاش ولا اعرف اتناقش هااع lol!

يعطيك الف عافيه اخوي احمد

عدد المساهمات : 82 تاريخ التسجيل : 30/04/2010

رائع ما تقول أيها الرائع
لذلك اتمنى أن أرى أبداعات الأعضاء في المنتديات بما تخطه ايديهم وهم أهل لذلك